மனிதனும் பேரா(ண்)மையும் -ஒழுகும் இயற்கை

நேற்றைய அனுபவம் மிக வித்தியாசமானது ...(21-02-14)
SSCTN நடத்தும் பங்குனி ஆமை (olive ridley )நடையில் இரவு முழுவதும் கலந்துகொண்டு சென்றது முற்றிலும் வித்தியாசமான அனுபவம் ..

இந்த கடல்தான் எத்தனை ஆச்சர்யங்களை கொண்டுள்ளது,உணர்ந்தால்தான் புரியும் போலிருக்கிறது .

ஒரு இரவு முழுவதும் கடற்கரையில் அதுவும் கடல் உயிரனத்தை தேடி அலைவதே எனக்கு வித்தியாசமாகவும் , சிலிர்ப்பாகவும் இருந்தது ...
------------------------------------------------

கவனித்தவை ....

பெரும்பாலும் சாராய குப்பிகளும் , நிறைய நெகிழி கழிவுகளும்,
கடல் வளத்தை சீரழிக்க நேரடியாகவும் , மறைமுகமாகவும் மனிதன் செய்யும் அட்டூழியம் இது.

அமாவாசையில் போனால் கூட தெளிவாக தெரியும் அளவிற்கு விளக்கு வெளிச்சம் ( ஆமை குஞ்சுகளுக்கு முதல் எதிரி )

நடையில் கூடவே பயிற்சி பெறுவதற்கு வந்த இரண்டு காட்டிலகாவை சேர்ந்தவர்கள் எதையும் கண்டுக்கொள்ளாமல் கடற்கரையில் அலையோடு விளையாடிக்கொண்டிருந்தது ( என்ன ஒரு பொறுப்பு )

எதை பார்த்தாலும், உடனே கமெராவை தூக்கி க்ளிக் செய்யவதில் மட்டும் அதிக ஆர்வம் கொண்ட மக்கள் 

---------------------------

நடையில் கிடைத்த/ கேட்ட சில தகவல்கள் 

வகைப்படி கடலாமைகளில் மிகச் சிறியது இந்த பங்குனி ஆமைகள் ( 35லிருந்து 45 கிலோ வரை இதன் எடை )

வருடத்திற்கு இரண்டு / மூன்று முறை முட்டையிடும் ஆமைகள் சராசரியாக 100 லிருந்து 180 வரை முட்டைகள் இடுகிறது 

இரண்டு மாதங்கள் கழித்து பொரியும் குஞ்சுகள் நிலவின் வெளிச்சத்தை கொண்டு கடலுக்கு செல்கின்றன 
( இதனாலையே தெரு விளக்குகள் பேராபத்தாக விளங்குகின்றது , தெருவிளக்கின் வெளிச்சத்தில் பாதை மாறி சென்று இறந்துவிடக்கூடும் ( நாய்கள் , உடல் வறட்சி )

இங்கே பிறந்த ஆமைகள் சுமார் 15 -20 வருடத்திற்கு பிறகு மீண்டும் இங்கே வந்து முட்டைகள் இடுகின்றன ....

சென்னைக்கு அடுத்து ஒரிசாவில் இந்த ஆமைகள் அதிகம் முட்டைகள் இடுகிறது ( பெரும்பாலும் இந்த ஆமைகள் ஆஸ்திரேலியாவிலிருந்து வருவதாக ..)

அழிவின் விளிம்பில் இருக்கும் இந்த பங்குனி ஆமைகள் கிட்டத்தட்ட பத்துக்கோடி ஆண்டுகளாக இந்த கடற்கரையில் வந்து முட்டையிட்டு செல்கிறது ...

எத்தனையோ காலமாற்றம் , பேரழிவிலும் தாக்குப் பிடித்து வாழ்ந்துக் வரும் இந்த ஆமைகளால , கேவலம் மனிதனை எதிர்க்கொள்ள முடியாமல் தவிக்கிறது ...

பொதுவாக ஆமைகள் எதிர்கொள்ளும் ஆபத்துகள் 

- மீன் வாருதல்,இதில் இவை மாட்டிக்கொண்டு இறந்துவிடுவதுண்டு 

- மோட்டார் படகுகளின் மாட்டிக்கொண்டு இறப்பவை

- முட்டையிடும் போது நாய்களால் கடிப்பட்டு இறப்பவை 

- மேலும் விளக்குகளின் வெளிச்சம் , நெகிழி பைகள் 

இறுதியாக ....

விவாதத்தின் போது ஒரு மாணவன் " இயற்கை வளம்பெற வேண்டுமானால் ஒரே ஒரு விலங்கு அழிவின் விளிம்பிற்கு செல்லவேண்டும் - அது மனிதன் என்ற முறையற்ற விலங்கு" என்று சொல்கிறார் - அற்புதமான உண்மை ...

எத்தனையோ இயற்கை பேரழிவை சந்தித்தும் வாழ்கின்ற உயிரினங்களால் மனிதனை எதிர்க்கொள்ள முடியாமல்,அழிந்து வருகிறது .....

இது உலகம் மீண்டும் ஒரு புதுபித்தலுக்கான நேரம் என்றே தோனுகிறது

 —